Buscaiolos Padentados

Pubblica in: 

Comente donz'annu sos oberaios de Sant'Antoni ant mutidu parentes e amigos pro faghere sa linna de sos fogulones. Atopu a sas sete de manzanu, a chie cun motosega, a chie cun farches, istrales e pinnacos, a chie a manos iscutas.
A pustis de una tatza di binu o de unu gafè cun bistocos, totus in truma a nd'etare sas arbules. Ocannu est tocadu a su buschigheddu de Padru Mannu, unu zassu bellu meda in nd'unu manzanile cheghente de atunzu. A sa una una bindighina de carros de tratore barriados ant trubadu a bidda a fil'appare.
Torramos gratzias a sos oberaios chi sunt organizande sa festa de su duamizaetreighi: Andrea, Antoni, Edoardo, Giovannangelo, Graziano e Tonino.
Inoghe, babai Pascualinu Morittu, acanta a sos norant'annos, cun Pierino e Checco, contande sos contos de sa pitzinnia sua.

Isparande coetes, sapadu, 20 de santuainni 2012.

[Oberaia de su 2009]