Melchiorre Murenu

2 contenuti / 0 new
Ultimo messaggio
DrpAdmSite
Offline
Last seen: 1 mese 3 settimane fa
Iscritto: Mar, 18/10/2005 - 16:16
Melchiorre Murenu

Avete mai letto le poesie di Melchiorre Murenu? Quello di "Tancas serradas a muru".
Murenu aveva una vena satirica portentosa, è certo che sia stato ucciso proprio a causa delle sue invettive contro i potenti.
Mitica quella su "Sos fiagos de Bosa", ma ancora meglio secondo me sa "Dinda troppu fantastica"; satira ferocissima sulla figliola di un signorotto del luogo.
Nonostante il sardo antico si capisce bene che ha dato fondo a tutte la sue risorse per fare un ritratto orripilante della fanciulla pur non potendo vederla perchè cieco.
Perdonate il maschilismo, ma pensate a quante nostre contemporanee potremmo adattare questa deliziosa poesia.

Melchiorre Murenu ha scritto:
DINDA TROPPU FANTASTICA

1.
Dinda, troppu fantastica in sas pumas
Confusa ses de tanta fantasia;
e-i sa genitora maladia
est fattu tou, mancari presumas

2.
Ca ses macca e non ischis cantu faltat
Sa chi possedis de presunzione;
cungregada est cun issa in unione
dogni meritu bonu si che appaltat;
su difettu maternu est chi t'assaltat
in su mezus fiore 'e pizzinnia.

3.
Sa fantasia vana est in sas maccas
sos fumos in su poveru arricchidu;
Pro cussu las has postas in olvídu
sas costrintas, mischinas e fiaccas;
pro esser assistida cun teraccas
tenes una superba bramosia

4.
Troppu tenes superbia e fervore:
sa boria si ti legget ìn su fronte.
Ma Deus tenet sole in s'orizonte
pro distruer a tempus su lentore;
inue b'hat de poveros sudore,
sa sienda s'iscazat che 'iddia.

5.
Pagu sas fantasias sun durabiles;
sa fortuna perfetta no l'han tottu;
podet esser chi càmbiene motu
sos bentos chì sun oe favorabiles;
e torren sos estremos miserabiles
a ti fagher corteggiu e cumpagnia.

6.
Nemmancu in sas ecclesias refrenu
ti lassat tenner s'umbra temporale;
postu t'has sa cadrea in su centrale
cun disordine tou e dannu anzenu;
Torrada est Madalena su terrenu
cun sa sua pomposa galania.

7.
Lassa, lassa sa modas indecentes
non turbes su paìsu tottu interu.
Si tenias provadu cunsideru,
bidias d'ambas partes sos parentes
afflittos e mìschinos e dolentes
membros de povertade e porcheria.

8.
A la finis! Non fisti generada
da' íllustres, comente tue crêse:
connòschedi, connosche chie sese
vive piùs comune e moderada.
Non t'ispantet sa doda antecipada,
bennida cun orgoglìu e ingannia.

9.
Pro sa grande superbia chi tenes
sa critica non bides né intendes:
anzis de nobilia ti pretendes
pro ca possedis cussos pagos benes:
s'in cust'ispettativa ti mantenes
creo chi già ti moris bagadia.

10.
Su re tenet sergentes e soldados
pro cuddos chi s'intiman disaffiu,
dolores e consuntu tisichiu
subra sos piùs membros delicados:
pregunta sos piùeres passados
ca sunu mortos de cussa genia.

11.
Su genitore tou tantu ingratu
a su paisu est bènnidu mezzanu
cun d'unu tappulone in su gabbanu,
mannu cantu unu chelu de sedattu
de indecente furesi ismurratu
chi de saccu teniat simetria.

12.
Coment'andas a cresìa mazore
pares fiza de conte e de marchesa.
Ca non connosches sa summa chi pesa(s)
e dogn'istrattagema ti est onore
cun cuddu tuju tortu che astore
orettende s'amante fissa ebbia.

13.
Pro tirare sos ojos tottu a tie
faghes cuss'indecente istrattagema,
ínue est sa presenzia suprema
de su chi si vindicat unu die
e armat su furore contr'a chie
in domo l'hat usadu s'ingannia.

14.
C'has desizadu chi ti cheres dama
bogas modas, prefaglios e buzzera,
cun bestír'a sa moda furistera
però ti deghen che mala fiamma:
chie non l'hat connottu da' sa mama
non cumbenit marciare in geometria,

15.
Mira sa geometria, ite narada!
Ca non t'est bella cussa pettorina:
ca che nd'hamus de mezus raighina,
ma nessuna che tue ammacchiada;
e tue ti pretendes pro marcada
pro t'ammittìre in sa cavaglieria.

16.
Reformadu lu 'ogas su 'estire,
de una moda tale ammacchiada
pro sa cale ch'est moda refudada:
cun custu e ite cheres presumire?
Regirada t'accabbas de avvilire,
ca 'estida cumparis che istria.

17.
Già t'hamus bida a sa moda calzada
ancora chi cumparzas pei nuda,
de sa pannía 'e s'iscarpa de Giuda,
dabèi tue e tottu una mirada,
ca finzas in sos pês ses castígada
e in membru perunu has seguria.

18.
E pro unu ventagliu 'e battor soddos
cun d'un'aneddu de galanteria,
pro cussu has desizadu nobilia?
Ses nudda e tí faghes tosta in coddos.
S'accusamus sos tuos azzoroddos
ti cuas totalmente de una ia.

19.
Pover'issa! Nde vivet in suspetta,
ca su D. no lu ischit confuzire;
nei s'S. bi podet costruire,
nei su B. cuncordat con sa Z;
o C. si riguardat sa suggetta
comente si l'addeghet civilia.

20.
A la finis! in tottu superada
mancari sias in mesu de chentu;
Cando has a lograre cuss'intentu
parizzos t'han a bider imbezzada;
ca pizzinna ses pagu regulada,
de superba idea e bramosìa.

21.
E-i sa genìtora maladia
est fattu tou, mancari presumas.

DrpAdmSite
Offline
Last seen: 1 mese 3 settimane fa
Iscritto: Mar, 18/10/2005 - 16:16
Sos Fiagos de Bosa

Visto che in questi giorni stiamo andando a Bosa è giusto ricordare come descriveva la cittadina Melchiorre Murenu, che non poteva ammirarla ma ne sentiva molto bene i profumi.

Melchiorre Murenu ha scritto:

Sos Fiagos de Bosa

1.
Cantu b'hat in s'inferru fogu e famen
e dogni patimentu illimitadu,
una mente distinta hat computadu
ch'in Bosa b'hat fiagu 'e ledamen!

2.
Sa ver'irreprensibile giustizia
hat fattu copiosu cussu fogu,
e bois similmente in cussu logu
faghides abbundare s'isporchizia
e fetores de grand'impudicizia
né bo nde mancat né ho nd'hat mancadu!

3.
Custu logu suffocat alientos
pro me no mi cumbenit chi resista;
assumancu faghidebos provvista
de rudas, romasinos e attentos
e pro mesu de varios fumentos
podet benner su fragu superadu.

4.
Pro poder superare sos fetores
como chi sun pienos sos terrinos
devides ispozare sos giardinos
de amentas e atteros fiores
pro confunder a forza de odores
sa peste chi su culu hat causadu.

5.
Sa causa dipendet da inie,
pro cantu sos fiagos sunu medas,
immancabile este chi caghedas
bindighi o vinti 'ortas a su die.
Corruoe est famadu pro su nie
e Bosa est pro sa merda lumenadu.

6.
Mancari de familia sian trese
sas chistiones non faghen bizzarra;
bazzinones chi lean una carra
'ogni notte nde prenan chimbe e sese.
Faghet treghentos mojos a su mese
già l'ingrassan su logu fadigadu.

7.
Su culu 'ostru est meda volenteri
pro ingrassare sos terrinos lanzos;
bois ischides dare a sos istranzos
de parte e cibu, pudidu fragheri.
Chircadebos un'atteru merderi
cun d'unu carrettone ben'armadu.

8.
Non bastat unu solu carrettone
a fagher nettos sos fundagos mannos;
No si che 'ogat mancu in battor'annos
sa sicca chi tenides a muntone.
Maladitta merdosa nassione
e culu totalment'irreguladu

9.
Su culu 'ostru est meda ubbidiente,
insumma, no est duru né berbetigu
no bos bisonzat tartaru emetigu
né abba frisca né brou cheghente.
Pro bos fagher cagare frequente,
infatti, mai no nd'hazis usadu.

10.
Su culu 'ostr'est meda volenteri
regalande bruttesa in abbundanzia.
A piùs de mes'ora 'e lontananzia
apprendet cussu fragu 'ogni naseri;
bazzinos mannos cant'unu libreri
unu contende si nd'est isbagliadu.

11.
Deo, cun tottu ch'hapo mente abbizza,
s'animu non mi bastat chi lu conte.
Unu chi s'incontresit in su ponte
m'iscriet chi 1'hat fattu meravizza
in tres minutos vasos settemizza
de merda a su fiumen han bettadu.

12.
Benin a fagher in d'unu minutu
vintitreghentos vasos de avanzu.
Si sos culos fin mattas de aranzu
nd'haiat sa Sardign'hapidu fruttu,
ca sa merda est su pudidu tributu
chi sempr'in custu logu b'est 'istadu.

13.
Giuro, senza bos fagher ironia,
cun custa veridade fatto fronte,
si in sos terrinos de su Piemonte
chimbe o ses culos bostros bi tenia,
patata savoiarda nde 'attia
un'ischiffittu bene carrigadu.

14.
Chirco duos contistos chi presumene
si calculare poden assumancu,
sos chi falan velados de biancu,
su sero a cundire cussu fiumene
avvertinde chi bene los assummen
e mi mandene su contu approvadu.

15.
Custas sunu sas giustas veridades
de conzas e cunduttos e fundagos,
chi cun sos bostros putridos fiagos
cale si siat omine annegades.
Sezis porcos infine e meritades
cantu madre natura bos hat dadu.

16.
In cumplessu, est centru de bruttesa,
tumba de milli varios fiagos.
Bi hat piùs merda in sos fundagos
chi non b'hat in su mare limpiesa
a l'haer conduidu a sa nettesa
mai mediu perunu b'hat'istadu.

17.
Finalmente lis naro : pro bon'usu,
ch'in su troppu cagare ponzan frenu;
Sos vasos ch'in d'unu die han pienu
sunu tres miliones e piùsu
cun cust'avvisu creo chi s'abusu
benzat in calchi modu mitigadu.

Accedi o registrati per inserire commenti.