Sa Pudda Zapponesa

Pubblica in: 

DOTTO POETA PIRAS TARQUINIO TENNICO DI POESIA SA PUDDA ZAPPONESA

In sos ballos appo idu
una mattutina istella
chi de cantu ch’este curiosa e bella
incantat su cristianu
a su genner'umanu
attera non nd’à naschidu
inue li falada su pilu
assommizzada a su furru
Vostè che jughede su murru
cantu una sue casale
lastima de tenne male
e mai in su sonnu la ido
e cun issa mi cunfido
ca no este caliguna fattuzzera
mala pasca prammaera
chi a frommadu sa nattura
Vostè che jughede sa frigura
de s’inimigu pintada
dentes de pettene e ferru, limba de fogu piena, nasu de ghisadore
sos pilos de pipirista
paren roccos de urdire
de urdire parene roccos
ca in testa brilla brilla bi teghen sos fioccos
Vostè mi parede sa mamma de sos taroccos
Vostè de sos taroccos mi parede sa mamma
ordida a bass’onore e a bassa fama
sa pudda zapponesa malfamada
faularza de sa pessima zenia
chi non d’appo ne bidu ne intesu in vida mia
ne in tottu sa Sardigna montovada
prò ca jughede sa coa longa sette metros
ca faghede marcia avanti e marcia indietro

Tarquinio Piras